ابحار في بحر القصيد

[عزف الحنين]

(هذه القصيده اهداء خاص)



إفتح شــــبابيك الهوى جيتك اليوم


بإحســـاس من زود الوله عده يطير


جيــــــتك مثل طفلن له أيام محروم


عن حضـــــــــن أمه أبعدته المقادير


وجيتك مثــــل عودن له أيام مهموم


وده يلاقـــــــــي بأخر الوقت تقديــر


وجيتك حضن عاشق وهايم ومغروم


وده يضـــــــمك لين تصبح على خير


متى تحس إن الهوى شي مقسوم


من قسمة الخالق على خلقه يصير


ومتى تحـــــس إني لكـ أطيح وأقوم


وأتعب على شــــــانك وأقدرك وآغير


لي في هواك أحــــلام وأمال وعلوم


وأحزاب وأصــــــحاب وقصيد وجماهير


وهموم وأفكار وهواجيـــــــس وحلوم


ودروب وأخــــطار وعذاب ومشـــــاوير


وحب وغلا وإخـــــــلاص ومعاند ولوم


وإحســـــــاس وإلهام وشعور وتفاكير


وصحـــــــبة سهر ومقاطعة لذة النوم


ودمعة الشوق وعشق احلام وتعابير


في ذمــــــتك مابان لك شي مكتوم


من بعد ماصـــــــورت الأوضاع تصوير


لاتحســـــب إنك شي عابر ومعدوم


وتاريخ حـــــــــبك فاق كل الأساطير


كني لقيــــتك بأغنـــــــيه لأم كلثوم


وكنــــي قريــتك في رواية شكسبير


في كل شي أتخيلك وأسمعك دوم


وأتأملـــــك الوقــــت الأول والآخــــير


من ماضــــي الأيام لايومـــــك اليوم


وغلاك عنـــــدي ماحصـــل فيه تغيير


وأنا لك الله ماأقبـــــــل البيع والسوم


ولا أرضــــى علي ولاعليك المخاسير


لاْني الوحيد إللي على بحــرك يعوم


وإللي عرف مرساه في رحلة السير


لحظة حبيبي قبل يســـــبقني النوم


بضم صدرك لين تصـــــــبح على خير

[أميرة الإحساس]

عزف الحنين

صح لسانك وتسلم يمينك

على هذا الابداع المرهف

مأجمل ماكتبتيه هنا فعلا إبداع

كون مبدع دائما

[قسى علي زماني]

عزف الحنين

صح لسانك وتسلم يمينك

على هذا الابداع

تقبل مروري

[عزف الحنين]

اميرة الاحساس وقسى علي زماني صح بدنكم ومشكورين على التواجد الدائم والابداع بوجودكم

[×محطات الرحيل×]

عــزف ||

صح لسانك .. وتسلم يمينك ..

اخوي .. ادري اني اقل من اني اعلق على قصيدك ..

بس يمكن محاولة ..

ومجرد احساس لااكثر ولااقل .. يمكن القصايد الي مثل قصيدتك تكون ثقيله فيها ام كلثوم وشكسبير .. يعني مايستسيغها العقل ..

هي ماثقلت الوزن ولاخربت القصيده .. بس يمكن تواجدها يخليك توقف تستغرب .. مع انها مرتبطة بالبيت الي قبلها ان حبه جاك من قديم التاريخ ..

ترابط القصيدة حلو .. والأحلى اخر بيت كان صح ومكانه مناسب في الختام مثل مااخترته ..

اتمنى وصلت وجهة نظري .. مثل مابغيت ..

وقليله في حقك كلمات المدح اخوي ..

[عزف الحنين]

اشكرك محطات على الطله واشكرك ايضا على الايضاح وانت تقريبا سالتي واجبتي في نفس الوقت واعتقد ان للقصيده عمق وهي رمز يحتاج للتحليل وانتي خير من يعلق ويحلل