راع الوفا
02-27-2008, 08:49 AM
عشقت الليل ابعثر في سكونه كامل اوراقي =واشيّد في تباريحه قصور العشق واسكنها
سكونه لا انهزع تاليه يبعث كل الاشواقي =ويجبرني أعسف الشارده حتى اوطنها
انا شاعر ومن شعري سميت بقيمة اخلاقي =مثل بصمه على صفحة دهر كلٍ يثمنها
ليامن الفضاء في ناظري من غربتي ضاقي =انيسي هاجسي ارحل معه والغربه اركنها
بحور الشعر ماتروي عطش من للغلا تاقي = مادام الروح في حب الغلا بالحيل راهنها
لاجل هذا احس ان الغلا مهما اكتمل باقي = ومن لايعشق الغالي حياته وش يبي منها
طموحي هامة العليا ولا اتبع كل براقي =بروق الوسم مابلّت ثرى أرض القيض ماكنها
تعالي يامجاهيم القصيد الليل له باقي =ابنظم حرف صعب الصرف والابيات ابوزنها
اباكحل قصيدي بالثميدي واكحل احداقي = وابكشف عن قناع الهم عبر ابيات اقننها
وابرسلها ليامن الهوى من عجته راقي = على صهوة نسيم الصبح واحساسي يزامنها
تصل ريف القلوب الفجر قبل النور ينساقي =مضمنها ضمايد للجروح الدهر فاتنها
لعله لالفته يروف في حالي ويشتاقي =ويرسلي رسالة شوق بوصاله مبطنها
سكونه لا انهزع تاليه يبعث كل الاشواقي =ويجبرني أعسف الشارده حتى اوطنها
انا شاعر ومن شعري سميت بقيمة اخلاقي =مثل بصمه على صفحة دهر كلٍ يثمنها
ليامن الفضاء في ناظري من غربتي ضاقي =انيسي هاجسي ارحل معه والغربه اركنها
بحور الشعر ماتروي عطش من للغلا تاقي = مادام الروح في حب الغلا بالحيل راهنها
لاجل هذا احس ان الغلا مهما اكتمل باقي = ومن لايعشق الغالي حياته وش يبي منها
طموحي هامة العليا ولا اتبع كل براقي =بروق الوسم مابلّت ثرى أرض القيض ماكنها
تعالي يامجاهيم القصيد الليل له باقي =ابنظم حرف صعب الصرف والابيات ابوزنها
اباكحل قصيدي بالثميدي واكحل احداقي = وابكشف عن قناع الهم عبر ابيات اقننها
وابرسلها ليامن الهوى من عجته راقي = على صهوة نسيم الصبح واحساسي يزامنها
تصل ريف القلوب الفجر قبل النور ينساقي =مضمنها ضمايد للجروح الدهر فاتنها
لعله لالفته يروف في حالي ويشتاقي =ويرسلي رسالة شوق بوصاله مبطنها