سجل حضورك با أبيات شعرية..}

[×محطات الرحيل×]

السلام عليكم ورحمة الله وبركاته



مســــاكم// صباحكم ورد.،



عساكم جميع بألف خير..



×



طبعاً الموضوع واضح من عنوانه

كل شخص يدخل يسجل حضوره بالموضوع باابيات شعر..

تعبر عنه..


والبداية عندي..





×





يابوي ليه تبكي كل ماشفتـك وعينـك لـي

تخاف أموت ياأبويه وقبل المـوت تبكينـي

كفى ياأبوي لا تبكي وأنا موجود معك وحي

أجل بعد الرحيل وشلون في قبري توطينـي

ياأبويه لو تموت الناس ماتسوى دموعك ذي

وأناياأبوي ميت قبل أموت وإنـت محيينـي




×





باانتظاركم..

[شمالي]

يابوي ليه تبكي كل ماشفتـك وعينـك لـي

تخاف أموت ياأبويه وقبل المـوت تبكينـي

كفى ياأبوي لا تبكي وأنا موجود معك وحي

أجل بعد الرحيل وشلون في قبري توطينـي

ياأبويه لو تموت الناس ماتسوى دموعك ذي

وأناياأبوي ميت قبل أموت وإنـت محيينـي











في البداية الف شكر لك محطات الرحيل على الموضوع الجميل
والف مليون شكر على الابيات الروووووووووووعة





حاولت في قلبي وأنا أقول بنساك ...... وأعيش دنيــــا في حيـاتي جديـدة


أثر الغلا ما تعجبه غير دنيــــــاك ...... والقلب غيرك ما سكن في وريده

[×محطات الرحيل×]

هلابك أخوي شمالي.،،

الله يعطيك العافيه


×

ومزاجي اليوم يقول هالأبيات..،،


جيت البحر قام البحر يحتفي بي
والموج يتراقص طرب يوم جيته
جيت اشتكي له هالزمان ونصيبي
فوق الهموم جروح قلبٍ مميته
قال السبب..! قلت السبب زود طيبي
قال الثمن..! قلت اش بقا ماعطيته
قال الجزاء..!قلت الجزاْ مادريبي
قال الوفاء..!قلت الوفاء راح صيته
قال النتيجه..!قلت شخص غريبي
قال الوطن..!قلت الوطن مالقيته

[سموة المشاعر]

اضحك حبيبي ضحكتك طعمهـا عـذب
واملى علـي دنيـاي صوتـك اغانـي
اضحك حبيبي ضحكتك شهـد منصـب
زوّد جنـانـي فـيـك زوّد جـنـانـي
اضحك وخل الهـم خلـه علـى جنـب
ملحوقـه الدنيـا تـراا العمـر فانـي
يسعد لي هاالضحكه وهاالصوت يا رب
منـك عسانـي منحـرم يـا عسانـي

اشكرك اختى محطات ..

طرح موفق واتمنى ان يلاقى مشاركات اكثر ..

دمتم بود / سمو المشاعر

[ح ـكآية ع ـطرٍ]

الله يعطيك العافيه

على طرحك هذا الموضوع

[ح ـكآية ع ـطرٍ]

هموم ودموع وحده وحزن
عالمي الذي اصبح ملازمني

[شهيد الامه]

كلمات رائعه

تقبلو مروري

[راع الوفا]

يانجد ياديرة عشير فقدناه = يامرتع الغزلان صبح وعشيه

ياموطن الاحرار يامعدن الجاه = يارض العروبه والوجيه النقيه

تعبت من غيبة عشيري وفرقاه = واتعبت من حالي عيونٍ شقيه

تسهر ترقب غائب البعد يحداه = تايه بطول وعرض نجد العذيه

شفه بلامي يوم عهدٍ قضيناه = واليوم مدري لو تغير عليه

لامن خبر عنّه ولااسمع مناداه = الا رسوم اطلال في شمس حيه

العهد به لاصلح الكيف جيناه = خطار يامحلا نبأ الشاذليه

يقدم الفنجال من كف يمناه = بالزعفران وهيل زايد شويه

عزاه ياقلب العنا منك عزاه = تشقى ولاتلقى علومٍ شفيه

حتى الطيور الحائمه فوق مرباه = ارسلتها ماجابت اخبار ليه

يانجد جعلك للحيا حشمت ارضاه = لوكان في قلبي جروحٍ خفيه

[طبعي كذا]

مساء الخير طرح جميل من نوعه وياليت التفاعل كل واحد يدخل يسجل لنا حضوره بأبيات أو حكمه
وأنا بسجل حضوري بالبيتين اللي تقول """
لا تحسب اني داله عنك ساليك...........لا واللذي تنصا المخاليق بيته
لاشك حال الياس دون الرجا فيك..........ولالي عن المقسوم لو ما رضيته
ان كان تغليني مثل ماني اغليك..........مجبور تاطا بالهوى ماوطيته
ماشفت دمعة عيني اللي تراعيك........هلت على المكتوب ساعة قريته
ون كان تنساني فلانيب ناسيك............اقول ياخلاف سعي سعيته

[الشوق جابني لك]

اختى الغالية سعيد برجوعك للمنتدى والحمد لله على سلامتك ابيات الشعر فيها الم وحزن ومعاناة اتمنى من الله ان تكونى بصحة جيدة والابيات معبرة جدا عن حبك لوالدك الله يخلية لك


تقبلى مرورى,,,,,,,,,,,,,,

[×محطات الرحيل×]

لين الورد،،

هلابك يالغلا وتسلمين على مرورك ..


شهيد الزمن،،

حياك الله اخوي .. عساك سالم على المرور..

[×محطات الرحيل×]

راع الوفا

يااخوي صح الله لسانك.. وجعلك سالمن من كل شر..


طبعي كذا

تسلم على المرور.. الله يعطيك العافيه


زعيم الحب..

الله يسلمك والشر مايجيك .. وابشر انا دايم موجوده واتابعكم بس والله الظروف الصحية تجبر الواحد احياناً يبتعد عن الي يغليهم..

تسلم..

[×محطات الرحيل×]

يآ صآآحبي لو كل شي بالخاطر يقال..

ماكانت تولجنــي الدمـ ع ـه لامنك طريــت..

[المتنبى 2008]

محطات انتي رائعة سبحان من كونك الى الامام ابداع

[الشوق جابني لك]

مصيبه لو تبي ترحل وتتركني مع احزاني,,

وانا في وضعي الحالي اعيش الحزن واشقابه,,

ومصيبه لو بعد تقدر تجاهلني وتنساني ,,

ومن يخون الود يقدر ينسى احبابه,,

بلاي اني تعودتك ولا اقبل باحد ثاني,,

ولو بدلت بغيرك,,

يقول القلب,,

[المتنبى 2008]

الله على الموضوع الراقي والفكرة المتميزة رفع الله شأنك اختي
جدااا رائعة بسلوبك وطرحك
اعجز عن الشكر
ادري ما تحبين المدح
لكن اعذريني بس مرة
لا تمنيني سراب المهمهيه ..... القراح اليوم ما يروي ضمايا
لو غدا للحب في جوفك شظيه ..... وش يقول اللي غدا جوفه شظايا